Slěpe/Schleife. Tudejšy Serbski folklorny ansambel jo pśedstajił w połnem zalu kulturnego centruma program „Nałogi, drastwa, tradicije“. Pisane měšanje spiwanjow, rejow a nałogow jo było spleśone do znatego tšojenja wót Lize (Doreen Nowušowa) a Mateja (Björn Sobota), ak twaritej sebje w Slěpem wjažku. Wóna cowa wót zbóžka, groźe a zeleneje łuki, wón wót party-rumnosći a piwowego kokotka, a Liza dej tam piwo gósćam nalewaś. Tšojenje jo było změstymi wjelgin luštne: Wón co daś koncert w šence, ale ta kjarcmarka Bärbel ma w kalendarju wšykne terminy južo wobsajźone, pśeto gmejnska rada tam we jadnom wobradujo. A pón stej hyšći kóza a krowa z Mateja nanoweje pastwy se zgubiłej a něcht jo tam wjelka wiźeł.