250 hektarow góle jo se wótpaliło, góda se na pódpalowarja

Awtor: Gregor Wieczorek stwórtk, 18. julij 2019

Z Bělina/Byhlen. Ten wjeliki wogeń, ak jo tśi tyźenje dłujko se tudy palił, jo nejpjerwjej wugasony – jo nam wulicował wałtoru bělinski gólnik Romeo Budaŕ (Buder). Wognjowa wobora jo se z góle zasej wupórała. Zastojnstwo wokrejsa Damna–Błota, kótarež koordiněrujo akciju k wótwoboranju katastrofow, jo pětk kontrolu nad wótpaloneju stronu zasej amtoju pśepowdało, a ten naspjet Załožbje za źiwe krajiny (wóna zastoj teren totalnego rezerwata). Ta tšachota pak njejo mimo. We Pańskich ługach (Painsche Läuche) we bliskosći Chóśebuskeje góry na luboraskem, bajo a górjo se smogoŕ (Torf) pód zemju dalej. Gólnikaŕ a druge źěłaśerje wobchójźuju stawnje tu cełu stronu a glědaju za wognjom.

Wina na tom bajanju jo suš. Smogoŕ jo samo we mokšych ługach bejnje pśesušony, a tšach jo, až z togo smogorja budu zasej a zasej nowe płomjenje gyžaś – měni Budaŕ.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś