Temje, kótaraž wšykne druge temy wustarkujo, gronje Englandarje: „Wjeliki słon (Elefant) we jśpě“.

W sporśe jo ten elefant balokopanje. 90% sobotnejšeje „Sportschau“ ARD se pśiwobrośijo balokopanju w tu- a wukraju a teke w Serbskich Nowinach ma ten sport nejwěcej ruma. W Depsku bydli nimski mejstaŕ w billarźe. Ten jo jano grajaŕjam billarda znaty.

Energiju Chóśebuz pak znajo mjaztym wjele luźi nic jano pśez wótstupjenje do 4. ligi, ale teke pśez to, až žurnalisty rbb su wuslěźili, až rozsuźeca kupka mjazy fanami togo mustwa jo zwězana z organizěrowaneju kriminalitu a pšawicaŕska. Snaź togodla su se cłonki towaristwa Energie Cottbus na 14. juniju za to wugronili, až žurnalisty rbb njejsu na zgromaźinje cłonkow witane.