Z Lubnjowa/Lübbenau. 21. junija jo se zmakała strona „Lěwica“ na „Źeń Serbow“. Kužde lěto raz diskutěruju frakcije krajnego sejma w Bramborskej a Sakskej, druge politikarje, zastupniki zastojnstwow a serbske fachniki.
Lětosa w Lubnjowje jo to było južo ten 15. raz. Su tam slědk glědali na pěślětnu legislaturu, kótaraž buźo z nowymi wólbami w nazymjem mimo. Wjele su, zgromadnje z drugimi partnarjami, dojśpili. Na pśikład dwě nowelěrowani Serbskeje kazni w Bramborskej.
Lěwica ga jo, cesto dosć njewidobnje za wuzwólowarjow, ta partaja, kótaraž w slězynje wjelgin za to serbske źěła. Ale to njejo pśecej lažko, gaž druge sobu njeśěgnu. Tak su reziměrowali 21. junija w Lubnjowje, až SPD w Bramborskej, koaliciski partnaŕ Lěwice, wšake njejo kśěła. Dlatog njejsu dalej pśišli ze šulskim póstajenim (Sorben- /WendenSchulVerordnung) a z konsekwencami Witaj-ewaluacije.