Slědny tyźeń jo Šula za dolnoserbsku rěc a kulturu pšosyła na Serbski rěcny kompaktny kurs. Rozrědowane pó rěcnem niwowje, jo tych 43 wobźělnikow z tukraja a wukraja ceły tyźeń dłujko wuknuło, spiwało, rejowało a se dalej spóznawało ze serbskeju rěcu a našymi stawiznami. Někotare su byli z Łužyce, druge z Mecklenburgskeje, Barlinja a Pólskeje. Jaden jo samo dojěł z Amsterdama. Mjazy wobźělnikami jo była radna licba stawnych gósćow, jadnab 30 wót nich jo se wobźěliło wóspjet.