Chóśebuz/Cottbus. Stwórtk tyźeń dopołdnja jo pisana hupa pśegótowanych, wjasołych cam­­perakow z Witaj-źiśownje Villa Kunterbunt chójźiła pó měsće wokoło. Wóni su zajtša stupili do elektriskeje a jěli dosrjejź města, ku chórobnej kasy Knappschaft, pótom k wjažy Vattenfallowego zastojnstwa a naslědku do Serbskego domu. Wšuźi su spiwali serbske spiwanja a rejowali ze so­bu­­źě­ła­śe­rja­mi a pśi­glě­da­rja­mi. Nazwucowane su měli serbske, nimske a mě­šane spi­wa­­nja, na­gromadu tśi­nasćo, mjazy drugim Cam­pro­warje smy, My wšykne źin­sa swě­śimy a Gaž se jěže ruce myju. Wót­­kub­łar­ka Ines Bü­tt­­ne­ro­wa, pśe­gó­to­wana ako chó­­dota a z wje­likim kło­bykom na głowje, jo jim grała na gitarje. Wjednica źi­śownje Manuela Drink­­mannowa, sama pśe­gó­towana ako car­śik, jo nam groniła, až źiśi budu nagromadu tśi raze pó měsće chójźiś a pjenjeze zbě­raś: wóni budu ten tyźeń chójźiś we wokolnosći źiśownje. Wjednica źiśownje jo chwa­liła šćodre dawarje, kótarež jano na tom dnju jim nadawali wěcej ak 600 euro.