Lube pśijaśele serbskeje rěcy. Kniglicki, źož wulicujo 12 serbskich žeńskich ze swójich źiśecych a młodych lět, su dośišćane. Wóni su napšawdu wjelgin raźone. Kužda žeńska wulicujo, kak jo w swójej rodnej jsy wótrosła a z cym jo se wósebnje zaběrała. K tomu su tam stare fotografije wótśišćane, kótarež su nam dali. Ten knigłowy projekt jo Domowina z fonda Vattenfalskich pjenjez spěchowała.
Někotare z tych žeńskich pśidu na našo wótpołdnjo 8. měrca zeger 14:00 do Serbskego domu, A.-Bebelowa droga 82. Wšykne zajmce, wšo jadno lěc žeńske abo muske, su wutšobnje ku kafejoju pšosone. Ale pšosymy wó pśizjawjenja, aby wěźeli, kak wjele stołow dejmy stajiś a blidow kšyś. Zazwóńśo na nas – tel. 0355/ 79 28 29. Wutšobnje strowi a se na Was wjaselijo ta serbska pójsynoga.
Župne pśedsedarstwo
Wałtoru, 8. měrca, buźo zeger 16:30 wobradowanje župnego pśedsedarstwa Dolna Łužyca w klubowni Serbskego doma.
Serbske blidoCo som sobu dostała? Co dajom dalej? To jo tema Serbskego blida srjodu, 9. měrca, zeger 18:00 w Měsćańskem muzeju Chóśebuz, Dwórnišćowa droga 22.
