Z Města/Cottbus. Wót 23. apryla běžy wuzwólowanje za nowu Serbsku radu. Toś ten naš nejwažnjejšy politiski gremium w Bramborskej dej we nazymjem, zgromadnje z nowym krajnym sejmom, ze swójim źěłom w sedymej legislaturnej perioźe se zachopiś.

Tuchylu jo wažne, až luźe se zasej pśizjawiju za zapis wuzwólowarjow. Teke te, kótarež su se južo pśed styri lětami wobźělili. Dokulaž su musali te zapisy wuzwólowarjow wót slědnego raza znicyś. Pótakem móžo se jano ten na wuzwólowanju wobźěliś, kótaryž zasej wótedajo póžedanje na zapisanje do zapise wuzwólarjow! Až do 21. septembra jo cas za wótedanje pisnego póžedanja.

Wuzwólowanje, to groni wulicenje listow, buźo 28. septembra. Až do togo dnja zeger 9:00 mógu wuzwólowarje swóje głosowańske lisćiki wótedaś.

Nejpjerwjej pak hyšći njejo jasne, chto buźo kandiděrowaś. Až do 11. awgusta zeger 16:00 muse te pisne naraźenja we wólbnem běrowje zapódane byś. Akle pótom dostanu te wuzwólowarje swóje głosowańske lisćiki pśez post domoj.