Budyšyn/Bautzen. Wót togo lěta jo pśistupne wěc nježli 62 000 datowych sajźbow Serbskeje centralneje biblioteki (SCB) w Krotkowjacornem zwězku bibliotekow (SWB), jadnom ze šesć wjelikich bibliotekowych zwězkow Nimskeje. SCB jo źěl Serbskego instituta.
Zajmowane cytarje namakaju wótněnta pśi pytanju pód swb.bsz-bw.de teke wobstatki, ako chowaju se w Serbskem instituśe w Budyšynje. Pó tom, až su se wšykne title tudejšeje SCB z datami zwězka pśirownowali, mógu se knigły něnto pśez wupóžycowanje dodaloka pó cełej Nimskej wupóžycowaś. Za něźi 42 000 titlow su se wudopołnili w južo pśedlažecych zapiskach dopokaze wobsejźeństwa Budyšyńskeje biblioteki. Dalšne 17 000 medijow wobsejźi w zwězkowem regionje jano Serbska centralna biblioteka. Wětšy part su to publikacije w górno- a dolnoserbšćinje a w dalšnych słowjańskich rěcach. Za toś te knigły su se wutwórili nowe datowe sajźby.