Jan Buk (Buck) jo se naroźił 2.8.1922 w Njebjelčicach (Górna Łužyca). Pó studiju wuměłstwa we Wrocławje a Drježdźanach jo był wucabnik za wuměłstwo w Budyšynje. Kołoju twórjecych wuměłcow jo pśistupił 1953, wót togo casa jo se wobźělił na wustajeńcach we wu- a wukraju.

Buk słuša k tym wuměłcam, ako su serbske twórjece wuměłstwo nacasnym wuměłstwowym směram wótwórili. Nadawk wuměłstwa jo wiźeł we tom „...twóriś nowu wopšawdnosć, nic jano wótbłyšćowanje, ale symbol.“ Za jogo wjelicny žywjeński statk jo se wu-znamjenił 2011 ako prědny Łužycanaŕ z Europskim wuměłstwowym mytom. Wjele lět jo był žywy w Njebjelčicach, slědne lěta w tamnej starcowni. Dnja 1. apryla jo wumrěł, 96 lět stary, 4. apryla bu zakopany na njebelčańskem kjarchobje.

Dolnołužyska krajina jo była jadna tema twórjenja Buka. W Dolnej Łužycy jo wiźeł ekstremny napśeśiwk: na jadnom boce rědne Błota, nałogi, kulturnu krajinu a na drugem boce industrielnu krajinu, wuglowe jamy. Dožywił jo, kak se krajina pśeměnijo: Wóda se wótśěgnjo, wšykno zeschnjo, góla se pódrubujo, jsy se znice. Změnu a jeje spěšnu dynamiku jo Buk zapópadnuł we swójich twórbach.