Chto ga znajo ten flak „Am Annahofer Graben“ w Gogolowku/Klein Gaglow na teritoriumje wjelikeje gmejny Gołkojce? Wěsće ten, ako tam w bliskosći bydli a se tšochu wuznajo w tamnych stronach. W Žylowje, w Chóśebuzu, w Dešnje, w Bórkowach abo w Popojcach a drugich jsach pak to lěbda něchten wě, źo ta „Annahoferowa grobla“ jo. Mjaztym pak dalšne luźe we wokrejsu Sprjewja-Nysa (a teke w redakciji Nowego Casnika) wěźe, źo toś tu „groblu“ namakamy. Gaž jěźośo z Města na směr Drjowk a Zły Komorow, pón pśiźośo ku kśicowce (Kreuzung), źož źo napšawo do Gołkojc a nalěwo do Gogolowa/Groß Gaglow. A nalěwo wót drogi do Gołkojc, źož su wšake firmy (mjazy drugim ENVIA a Autoland), jo droga „Annahofer Graben“. (Šwjela ga jo we swójich knigłach napisał serbske mjenja za drogi a wšake druge w Gogolowku, za „Annahofer Graben“ bóžko nic wuslěźił njejo.)