Słopišćański šołta Werner Hämmerling źaržy gjarźe toflicku ze słowami „Nimsko-serbska gmejna“ ako znamje za pśisłušanje jsy k serbskemu sedleńskemu rumoju. Dostał jo tu toflu 13. apryla z ruki Rudolfa Keseberga (2. wótl.), wjednika wótźělenja kulturnego ministaŕstwa w Pódstupimje. Dolnobłośański amtski direktor Henri Urchs (2. wótpš.) ze zajmom pśiglěda. Šołśe gratulěrujo regionalna powědaŕka Domowiny Heike Apeltowa. Foto: A. Staindl 
Ze Słopišćow/Schlepzig. W diskusiji wó pśisłušanje Słopišćow k serbskemu sedleńskemu rumoju jo se 13. apryla wšake tšojło. Błośańska wjas ga jo dostała toflicku z pópisanim „Nimsko-serbska gmejna“ ako znamje za serbski sedleński rum. Šołta Werner Hämmerling jo ju gjarźe pśiwzeł a jo pśilubił, až buźo malsnje za nju pšawe městno namakaś. Pśepódał jo jomu toflicku Rudolf Keseberg, wjednik wótźělenja kulturnego ministaŕstwa w Pódstupimje (MWFK). Stało jo se to pśi góźbje wótwórjenja cołnarskeje sezony.
sobota, 18.05.2024
