Nowy Casnik: Zwězkowe pśedsedaŕstwo Domowiny jo na swójom pósejźenju 15. februara wobzamknuło, až co Domowina na EUROPEADU 2020, to groni na Europske mejstaŕstwa narodnych mjeńšynow w balokopanju, pósłaś dwě mustwje, jadno žeńskece a jadno muskece. Wobej dejtej byś zestajonej rownogodnje (gleichwertig) z cłonkami z Dolneje a Górneje Łužyce. To groni, kuždy raz połojca ze Sakskeje a połojca z Bramborskeje. Kak su to pśiwzeli cłonki towaristwa „Serbske koparje/Wendische Auswahl“ a wósebnje jogo aktiwne balokoparje?