Z Chrósćic w Górnej Łužycy/Chrostwitz. Pśigótowanja na głownu zgromaźinu Domowiny, ako buźo sobotu za tyźeń (30. měrc, zeger 9.00) w hali „Jadnosć“ w Chrósćicach, spěchuju derje. To jo za powěsću Domowiny gronił cłonkam zwězkowego pśedsedaŕstwa jadnaŕ Domowiny Marko Kowar na wobradowanju pětk w Chrósćicach.

Głowna zgromaźina buźo zjawna. Swójo pśiźenje stej pśipowěźełej zagronity nimskego kněžaŕstwa za nastupnosći wusedlarjow a narodnych mjeńšynow dr. Bernd Fabritius und sakski ministaŕski prezident Michael Kretschmer.

Lětosa buźo se wuzwólowaś Serbska rada pśi bramborskem parlamenśe za legislaturnu periodu 2019–2024. Zwězkowe pśedsedaŕstwo Domowiny jo pówołało cłonki wuzwólowaŕskego wuběrka (Wahl-ausschuss). To budu Kito Ela, Sylka Poleńcojc-Laubensteinowa, Jörg Maznik a Měto Nowak. Dalšne cłonki mógu se hyšći pśinamakaś.

Ideje k mócowanju serbskeje rěcy se pytaju