Z Chóśebuza/Cottbus. Slědne „Serbske blido“ Serbskego muzeja su zarědowali 6. měrca w ramiku Bramborskego žeńskecego tyźenja. Moto togo zmakanja jo, doslědnje, był wusměrjony na póśěgi mjazy ženskimi a muskimi: „Muske, žeńske a móc w ewangelskej cerkwi“. Gósća stej byłej teologowka, faraŕka a serbska dušepastyŕka Katharina Köhlerowa tak ako stawiznarka a serbska žurnalistka Stefanie Krawcojc. Katharina Köhlerka farari wót lěta 2011 w dešańskej wósaźe. Pśišło jo 10 luźi, kuratorka Serbskego muzeja Christina Kliemowa jo moderěrowała ten wjacor.
Katharina Köhlerowa jo wulicowała z cerkwineje historije a wót togo, což wóna jo dožywiła we swójich wósadach. Stefanie Krawcojc jo wulicowała wót faraŕkow a jich situaciji. Pjerwjej ga su gronili žeńskim fararjow „faraŕka“. Źinsa jo „faraŕka“ jadna žeńska, ako farari. To mógu žeńske mjaztym 75 lět, nanejmjenjej w našej krajnej cerkwi.