Ze Žylowa/Sielow. W Žylowje wobstojtej dwě Domowinskej kupce – jadna za staršu generaciju z něnto něźi 30 cłonkami a ta druga ze žylojskeju młoźinu z wokoło 40 cłonkami. Wobej źěłatej na swój part za to serbske. Młode Domowinarje se cuju głownje zagronite za to, až we jsy wóstanu dalej žywe stare serbske tradicije. Kak derje to zwónoźiju, su pokazali wótnowotki zasej na młoźinskem zapusće njeźelu, 17. februara.