Srjejź slědnego lěta jo Dolnoserbska rěcna komisija wobzamknuła pšawopisnu změnu, kótaraž pó-trjefijo pismika ŕ, r. Wót togo casa jo se w Serbskem instituśe na tom źěłało, aby to pśeměnjenje se zaźěłało do internetowego nimsko-serbskego słownika DNW a do pśespytowanja pšawopisa za kompjuter. (Chtož z tym programom źěła, dejał se ześěgnuś nejnowšu wersiju.) Něnto jo to źěło zwónoźone: Na wušej 6.800 městnach jo słownik se zaktualizěrował. Togodla se změna pšawopisa něnto oficialnje wuzjawijo. Nowe rědowanje nabydnjo tak płaśiwosći.