Hochoske muske a žeńske zapustuju južo pětk, 22. februara. Žeńske zmakaju se zeger 18:00 w sportarskem domje. Wóttam wótholiju je te muske, kótarež pśidu z gósćeńca „Złośany plon“. Zgromadny pśeśěg buźo do Plona, źož budu wjacor reje. Campruju sobotu.

Radowiski zapust buźo pětk, 22. februara, w janšojskej kjarcmje „Zur Linde“. Tam budu domaršěrowaś zeger 20:00.

Sobotu, 23. februara, budu se zmakaś we swěźeńskem stanje a zeger 14 :00 wumaršěrowaś. Wjacor budu w stanje reje, wót zeger 19:30.

Póriki se zmakaju sobotu, 23. februara, na zgromadny zapust zeger 14:00 w gósćeńcu „Dorfkrug“, wumarš buźo zeger 14.30. Zeger 18:30 budu reje.

Sobotu, 23. februara, zmakaju se młoźina a ženjone na zgromadne zapust, a to wót zeger 13:00 w stanje pla wognjoweje wobory. Zeger 14:00 budu wumaršěrowaś z kapału „nAund“. Reje budu wót zeger 20:00 w stanje.