Lube źiśi,

slědny tyźeń som pisała wót ptaškoweje swajźby. Wšuźi sćo to swěśili! Teke w Žylowje su se z tym zabrali. Ale w Žylowje maju wěcej ako jadnu źiśownju. Slědny tyźeń smy pisali wót źiśownje „Fryco Rocha“. Tam woplěwaju jaden a drugi serbski nałog. Druga źiśownja w Žylowje jo „Mato Kosyk“. Tam powědaju konsekwentnje serbski ze źiśimi. Wušej togo jo we tej jsy hyšći źiśownja „Glühwürmchen“. Źinsa ale cytaśo rozpšawu z „Mato Rizo“. Napisała jo ten pśinosk Mila Nagorina. Wóna tam źěła ako wótkubłaŕka. Kus, ako źiśi su grali ku ptaškowej swajźbje, wopisujo wóna how. Cytaj, cytajtej a cytajśo sami!

„Jo jano była mórawa?“

Kuždemu se młogi raz něco špatnego cowa. Taka mórawa njejo rědna. Ale co to ma cyniś z ptaškoweju swajźbu? To budu Wam napisaś.