Sobotu, 9. februara, buźo muskecy zapust. Zeger 19:30 budu domaršěrowaś do Labšojc kjarcmy „Zur Linde“. Reje budu wót zeger 20:00 z „Lutzketaler“ gercami.
Strjažow/StriesowSobotu, 9. februara, zachopijo zapustojski pśeśěg zeger 13:30, a to wót kjarcmy „Dorfkrug“. Reje budu wjacor we tej kjarcmje wót zeger 19:00.
Tšadow/StradowSobotu, 9. februara, zmakaju se młode a ženjone póry zeger 12:30 pśi wognjowej woborje (toflicki budu woglědarjam drogu pokazaś). Zeger 14:00 budu wumaršěrowaś. Wjacor budu reje w Radušu w „Spreewaldhotel“.
Dalic/DahlitzSobotu, 9. februara, budu se zapustojske póry zeger 12:00 zmakaś w towaristowem domje „Küko“. Zeger 13:00 buźo swěźeńske grono a stajenje, pótom budu wumaršěrowaś z „Błośańskimi gercami“. Zeger 19:30 wótjěźo bus wót srjejź jsy do swěźeńskego stana w Popojcach. Zeger 19:45 maršěrujo śěg pórow do swěźeńskego stana na popojskem sportnišću.
Myšyn/MüschenNjeźelu, 10. februara, změjo tudojska młoźina zapust. Wumaršěrowaś budu zeger 14:00 wót Štopic kjarcmy. Wjacor budu wót zeger 20:00 reje.