Z Wětošowa/Vetschau. Serbski sejm póžeda, až wobsajźenje rady Załožby za serbski lud dej se reforměrowaś. Měra za to deje byś internacionalnje pśipóznate principy mjeńšynowego šćita (Minderheitenschutz). Sejm pomina, až rada załožby dej se rozšyriś wó styrjoch dalšnych zastupnikow serbskego ludu. Serbske zastupniki deje byś naslědku we wětšynje. To jo sejm wobzamknuł na wobradowanju sobotu – jo nam powěźeł wótpósłany Hanzo Wylem-Kell.

Wótpósłane sejma tejerownosći póžedaju, až we raźe dej se kněžyś princip paritetnosći (Parität) mjazy Dolnymi a Górnymi Serbami. To groni: połojca cłonkow dej byś górnoserbska a połojca dolnoserbska. Pśeto wóni su měnjece, až wudanki za Dolnu Łužycu deje dostaś wěcej wažnosći, dokulaž rěcna situacija w Dolnej Łužycy jo ryjnjejša. Dolne Serby deje móc sami měś to grono, za co swóju źělbu pjenjez wudaju – to słužy emancipaciji, a za nju jo sam-se-póstajowanje (Selbstbestimmung) notne.