K artikeloju „Wjednik RCW: ‚Zmys-lenje towarišnosći we cełem jo wina‘“ (NC 51/2018, 2. bok)
Rěcny centrum Witaj jo zawod (Betrieb) Domowiny. To což dr. Zakar wó problemach Witaj-wucby jo gronił (NC 51/2018), tomu ako Pónaschemu pśigłosujomy. Wjele, wjele lět sejźe cłonki Domowiny w serbskej raźe, su se pilnowali na dobro serbšćiny, ale wuspěchy su snadne. Wše dejali se sednuś za blido a zgromadnje rozmyslowaś, kak dalej. Njejźo mimo kubłańskeje konference, njejźo how mimo Domowiny.
My móžomy how RCW a Domowinu pódpěrowaś. 1. Co jo móžno w starem systemje pólěpšyś? 2. Źo su nowe puśe notne? 3. Kak jo to móžno pśesajźiś? 4. Chto grajo pśi tom kaku rolu?
W teksće ewaluacije wordujotej na jadnom boku zastupny jadnaŕ Domowiny a pśedsedaŕ Pónaschemu kritizěrowanej. My smy zwólniwe ako Pónaschemu naš poměr pólěpšyś. By dejali gromadu akciju Jo, za tebje! wóžywiś a serbske rěcne rumy stwóriś. To jo pód županom M. Nowakom až do 2014 lěpjej klapowało. Pónaschemu ma nejwuspěšnjejše lěto 2018. Mamy 6 luźi w serbskem sejmje. Smy zwólniwe Domowinje pomagaś swój poměr k serbskemu sejmoju pólěpšyś.