Serbske demony w Mužakojskej góli?
Stare serbske powěsći wulicuju wó stwórjenjach, kótarymž se groni „graby“. Jich znaju jano we jsach Mužakojskeje góle, nic pak hynźi we Łužycy.
Česki ludowědnik Adolf Černý (1864-1952) pišo wó nich: „Znatosć grabow wobgranicujo se jano na wokolinu Mužakowa – wšuźi hynźi we woběma Łužycoma su te zajmne bytosći cełe njeznate. Mjazki krajiny, źož se wó nich wulicujo, su něźer jsy Miłoraz, Slěpe, Jemjelica, Wjaska, Zagor – stakim smuga, kótaraž wobgranicujo mužakojsku gólu. To teke dosć jasnje charakterizěrujo te bytosći ako lěsne duchy.“ (A. Černý „Mytiske bytosće Łužyskich Serbow“; w: Časopis Maćicy Serbskeje, Budyšyn 1891, b. 87)