Smy žywe w našom kraju z duchownym a materielnym huzbytkom. Duchowny huzbytk pokazujo se na pśikład we tom, až smy w aprylu diskutěrowali wó serbskem wósadnem centrumje z běrowom, pósejźarnju, archiwom a biblioteku, smy powědali wó talarju a keluchu za Bóže blido ze serbskimi gronami. Smy z busom huleśeli do susednego pólskego kraja na ekumenisku namšu, smy swěśili na jadno tśi jubileumy: 30 lět kupka serbska namša, 150 lět Serbska biblija a 250. serbska namša nowšego casa. Lětosa smy dostali znowa dwójorěcny plakat ku gronoju lěta, Nowy wósadnik w dwěma hudaśoma, Serbsku bibliju w digitalnej formje a k prědnemu razoju Ochranojske grona za kuždy źeń w dolnoserbskej rěcy. Smy měli až do něnta 11 serbskich a dwójorěcnych namšow z 967 namšarjami a namšarkami na 11 městnach.