Sańkowa góra we Krjach: Amt stoj gmejnje na zadorje

Awtor: Gregor Wieczorek srjoda, 12. december 2018
Sańkowa góra napórajo šołśe Fryco Wojtoju starosć. Nišy amt za wobzwarnowanje natury njoco jim tu góru zwóliś a pomina, aby ju wótwózyli. Ten doł na bildce jo jaden wót styrich, ako su hochoske jagarje dali wuryś. Tu zemju su nawalali na kopicu – a šołta jo pśišeł na ideju, až mógali z njeje sańkowu góru napóraś. Foto: G. W.

Z Hochoze/Drachhausen. Nowa sańkowa góra we Krjach (Fuchs-lug), kótaruž gmejna jo dała pśed žednymi lětami nasypaś, dej se wótwózyś abo na druge město pśenjasć. To pomina wót nich Nišy amt za wobzwarnowanje natury w Baršću. Góra lažy zwenka jsy a jo wobškóźeła drogotny biotop a jo wordowała mimo pśizwólenja napórana ‒ pišo jim amt. Gmejna njoco se z tym wótnamakaś: Wóni su na landrota póžedanje stajili a peticiju z pódpismami wjelich Hochozarjow do Baršća pósłali. Amt pak wobstoj na swójom wusuźenju. Šołta Fryco Wojto se góri a źaržy to wobzamknjenje za njerozymne. 40.000 euro buźo to płaśeś, gaž budu musaś tu kopicu zemje wótwózyś.

Ta ceła nastupnosć jo se zachopiła prědk wósymich lět: hochoske jagarje su se zazwólili, až budu wugbaś dobry statk k lěpšemu hochoskeje natury. Wóni su kśěli niźi na łukach wuryś doły a nasajźaś kricki a bomy a napóraś nowy mokšy biotop, ako góźi naturje a źiwinje. Wóni su namakali góźece městko: gmejnski flak we Krjach, pomjenjony Bykowa łuka. Gmejnska rada jo do togo zwóliła, nišy amt za wobwarnowanje natury teke.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś