Novi Sad. W měsće Novi Sad we Wojwodinje w Serbiskej su se njedawno zmakali zastupniki z redakcijow casnikow za narodne mjeńšyny w Europje, a to te, ako se kuždy źeń wudaju. Na toś tej 2. europskej konferency mjeńšynowych medijow na tamnej uniwersiśe. Kolegium Europa jo se teke wobźělił z pśednoskom Janek Wowčer, šefredaktor Serbskich Nowin w Budyšynje. Te ga pśisłušaju teke Zjadnośeństwoju europskich źenikow (Tageszeitungen) w mjeńšynowych a regionalnych rěcach (MIDAS).
We wušej źaseś pśednoskach a referatach, w prezentacijach a w młogich diskusijach a rozgronach su žurnalisty a fachniki z cełeje Europy wulicowali wósebnje wó kulturnych a mjeńšynowych pšawach pśi wudawarjach casnikow a teke wó tom, kak mógu mjeńšyny swóje medije sami wudawaś a rědowaś. Wažnu rolu jo pśi tom grało to, až su mjeńšynowe medije wjelgin wažne kulturne bogatstwo a derbstwo.