Serbski ludowy ansambel zarědujo sobotu za tyźeń, 1. decembra, rejowański workshop. Kurs jo zjawny za kuždego, nic jano za cłonki rejowarskich kupkow. Město jo rejowarski zal źiwadła Piccolo Chóśebuz. Rezultaty kśě prezentěrowaś na Schadowance.

Pśecej južo su se luźe gibali k muzice. Reju z našogo wšednego dnja wen, to njedajo se domysliś. To rejowanje pśinjaso nanejžpjerwjej wjasele, cyni nas glucnych, zwězujo pak teke kultury a cele pśipódla jo to rejowanje teke wjelinny fitnes-trening za cełe śěło. Reje su pśewšo wjelerake a se wě, až pśi temje reja ned se myslimy na balet, na klasiske rejowańske góźiny w rejowarskej šuli abo na kradu moderne formy rejowanja młodostnych, ako na pśikład contemporary, jazz-dance, hiphop, breakdance abo shuffeln dance.