Sakska: Pšawy nadpad na Serbow zatajiś?

Awtor: Ines Neumannojc srjoda, 17. oktober 2018

Ze Šunowa/Schönau. Kjarmuša wuknikow górnoserbskego gymnaziuma 5. oktobra jo měła kradu njerědny kóńc. Wót zeger 22:00 jo tam była zjawna diskoteka. Tam su pśišli luźe, kótarež su widobnje pšawicarske byli. Su měli na swójej drastwje pótajmne cody za pšawicarskich ako 88 abo HH ako pśiskrotcenje za „Heil H...“

Wence su cakali dalšne pšawicarske muske. Wokoło zeger napoł dweju su bili tam jadnogo Serba. Policaja ja malsnje pśišła, bijaŕ pak jo se chował w mjerwjeńcy luźi. Dla wopisowanja drugich pśibytnych su policisty jogo pópadnuli.

Ale to, což jo za pśibytnych Serbow jasne, až su te bijarje pšawicarske z Budyšyna, to wiźi policaja nejpjerwjej hynac. Ga měni, až su to Ruse, dokulaž su rusojski powědali. Młode Serby pak wuchadaju z togo, až su pšawicarske powědali rusojski, aby prowocěrowali.

Serby su se pśeśiwo tomu woborali, až policaja groni, až to njejsu byli pšawicarske. Wukniki su měnili, až maju zacuśe, až co policaja tu wěc zatajiś.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś