Wót 22. do 26. awgusta jo se wótměło w rumuńskem měsće Sighişoara/Segesvár/Schäßburg, we wutšobje Sedymgórskeje, 16. wudaśe interetniskego festiwala „Proetnica“. Na njom su kulturne kupki wšyknych 20 rumuńskich mjeńšynow (mjazy nimi Hungory, Szeklarje, Roma, Pólaki, Čechy a Tartary) wustupili – lětosa pak teke kupka z Lipska/Chóśebuza – Serbska reja! Paralelnje k festiwaloju jo towaristwo „Divers“ interkulturalnu lěśojsku akademiju (20.-27. awgusta) k mjeńšynowym temam wugótowało. Teke na zarědowanjach teje akademije su se Gregor Kliem, Fabian Jacobs, Clemens Isensee, Beth Fogleman a Robin Brück wót Serbskeje reje wobźělili.