Co ma turizm we Błotach cyniś? Wjele, pśeto wónej wobej – turizm a serbska rěc – stej byłej źěl certifikacije znaśa serbskeje rěcy. Sobotu, 22. septembera, jo Rěcny centrum WITAJ wupšasował tśoch wobźělnikow we znaśach serbskeje rěcy na europskem niwowje B1. Oficielny rěcny certifikat B1 měni, až powědarje mógu samostatnje nałožowaś znaśa serbšćiny na dalej wjeducem niwowje. Wóni muse rozměś głowne dypki, gaž se powěda we standardowej rěcy wó temach kaž źěło, šula a wólny cas. Wušej togo muse byś zamóžne, zmejstrowaś wětšy źěl situacijow na serbskem rěcnem teritoriumje pśi drogowanju. Mógu wulicowaś wó swójich zajmach, nazgónjenjach, tšojenjach, cowańkach, naźejach, planach, cilach a je krotko wobtwarźiś.