Młogim gótujo to wjelike wjasele, cytaś basnje a štucki. Hyšći wětša jo pak pón ta radosć, gaž móžoš pśisłuchaś někomu, gdyž wón abo wóna na někakem zarědowanju z rědnym a pśijaznym głosom basnje citěrujo, cyta, pśednjaso. Rowno to su wšykne te dožywili, ako su pśišli stwórtk, 13. septembra, wjacor do Serbskego doma. Domowinska kupka Chóśebuz ga jo howko pśepšosyła swójich cłonkow a dalšnych interesentow na serbski literarny wjacor. Južo stwórty raz jo take „cytanje pód lampu“, za kótarež jo měł Jurij Koch tu ideju, wugótowała.