Mjazy wjele luźimi wuglědajoš jogo spěšnje . Ze swójimi swěśecymi šerymi włosami a ze swójim optimistiskim a ku kontaktam pśichylnym wustupowanim wón ned nadpadnjo. Tak jo to teke było na pśiwitanju wjelikopósłaństwa Republiki Belarus pśi góźbje narodninow togo kraja w barlinskem hotelu Maritim. Cyril Pjech jo se tam rozgranjał z wjelikopósłańcom Denisom Sidorenko.

Pózdźej mě groni:„Ja mam dobre póśěgi k słowjańskim bratšam a je wědobnje woplěwam. Cesto som gósć na pśiwitanjach a koncertach w ruskem wjelokopósłaństwje. Lubuju Rusojsku ako kraj z bogateju kulturu a pśijaśelnymi luźimi. Na takich a drugich zmakanjach a w rozgronach z nimi wulicujom tež wó Serbach, dokulaž mało wó nas wěźe.“