Wót pětka do njeźele (wót 24. do 26. awgusta) budu w Bórkowach swěśiś wjeliki Domowniski a drastwiny swěźeń.

Pětk zeger 15.00 buźo direktor amta Christoph Neumann swěźeń wótwóriś, slědowaś buźo wjasoły program za seniory. Rejowaś buźo rejowarska kupka ze Strobic, a spiwaś buźo Jürgen Carmesin.

Zeger 17.00 pśizamknjo se swěźeń za źiśi (pódla budu Błośańske piraty, źiśownja Błośańske Lutki, rejtarnja Błota a druge). Zeger 20.00 buźo pśeśěg z latarnjami z drastwineju kapelu z Grodka. Zeger 20.00 zachopijo se kóńtyźeńska party radija 94.5 Chóśebuz z DJ Larsom.

Sobotu na jawišću zachopijo se ruš zeger 11.00 ze zajtšnym piwom a z dujarskim orchesterom z města. Zeger 14.10 pśedstajijo Nimsko-serbski ansambel z města swój program „Z Anku pśez serbske lěto“. Zeger 15.00 wustupijo nimska country-kralowka Linda Feller. Zeger 16.10 buźo rozpokazowanje mody Wurlawy designerki Sary Gwiszcz.