Wót 10. do 13. awgusta su w Picnju 65. rybakarski swěźeń swěśili. W nalěśu 1954 jo dostał wjednik picańskeje młodownje, Scheiblich, nadawk, ludowy swěźeń organizěrowaś. Toś su wjasołe picańske śěgnuli do młodownje pśi Haldarjowem gaśe. Ideja jo była, pódla kulturnych póbitowanjow Picańskego muskego chora a rejowańskich kupkow z cełego wobcerka to łojśe pokazaś a ryby na měśce pśedawaś. Teke wognjoškrjakot jo wabił wjele luźi, a za picańske jo toś jasne było: tak comy kužde lěto swěśiś! Tak jo se wuwijał rybakarski swěźeń, ako kužde lěto maju drugi kóńc tyźenja w awgusće. Lětosa ze pśeśěgom, ako kužde 5. lěto.