Gaž se w pśiducych tyźenjach wšo derje raźi a Spěchowańske towaristwo za serbsku rěc w cerkwi z.t. hudajo w pśiducem mjasecu ako digitalne hudaśe Bibliju w dolnoserbskej rěcy, buźo to mimo cwiblowanja zasej jaden nic mały mrocnik w pówójnskich serbskich cerkwinych stawiznach Dolneje Łužyce. Stanjo se to pśi góźbje 250. serbskeje namše nowšego casa a 30-lětnego hobstaśa cerkwineje źěłoweje kupki „Serbska namša“. Swětocnosć buźo w Chóśebuzu w Nimskej cerkwi; ju su tež Serby natwarili, což pak cesto se njepśigroni.