Jogo mě jo w Serbach mjaztym znate. 34lětny Makedonijaŕ dr. Viktor Zakar jo se we Łužycy spěšnje do aktiwnego kulturnego žywjenja integrěrował.

W njedawno w LND wujźonej antologiji „Mlóče“ stej wót njogo teke dwě krotkej wulicowańce w górnoserbskej rěcy wótśišćanej: „Poslednja jědź“ a „Pohlady“. Stej to wjelgin lyriskej a filozofiskej literarnej twórbje. Pśi cytanju teju wulicowańkowu sy pśechwatany, kak wjelicnje wón pśemóžo se na serbske poetiski zwurazniś a cytarja pśejmjeś.