Z Chóśebuza/Cottbus. Dwa wótpósłanej CDU nimskego parlamenta – dr. Klaus-Peter Schulze z Grodka a Marian Wendt z Torgaua w Sakskej – stej woglědałej stwórtk do Serbskego domu w Budyšynje a Chóśebuzu. W měsće stej se zmakałej z wjednikom dolnołužyskego běrowa Domowiny Marcusom Końcarjom a zastupnicu Załožby za serbski lud Sylku Poleńcojc-Laubensteinoweju. Schulze jo wobspomnjeł swójo źěło we parlamentariskej pśiraźe Załožby za serbski lud – wón se wiźi ako srědnik mjazy Serbami a nimskim parlamentom. Wendt, kótaryž doněnta njejo měł ze serbskeju problematiku cyniś, jo póžył tu góźbu, aby se informěrował a „dłymše rozměśe“ wót serbstwa w Dolnej Łužycy dostał – jo wón sam gronił. Za jogo zdaśim njejsu Serby jano někaka „mjeńšyna“, ale pšawy źěł našogo kraja. Tejerownosći jo wón cesćił serbski lud ako „móst k drugim krajam pódzajtšneje Europy“.