Z Lipska/Leipzig. Jadna internetowa app z mjenim Wirtuelna pśepołdnica ze serbskeju tematiku jo wordowała preměrowana we nimskem kulturnem hackathonje Coding da Vinci. Hackathon (to kumštne słowo jo stwórjone ze słowowu „hack“ a „marathon“) měni wuběźowanje abo turněr, źož programěrarje deje we krotkem casu wužytny abo kratiwny program napisaś k wustawjonej temje. Hacka-thon Coding da Vinci jo wósebny: wón dej kreatiwnu zgromadnosć programěrarjow, tak pomjenjonu hacker & designer community, a kulturne institucije gromadu spóraś, k wužytku kulturnego derbstwa. Wšykne rezultaty kulturnego hackathona – teke žrědłowe programěrarske cody – budu zjawnje w interneśe pśistupne a wózjawjone pód tak pomjenjoneju licheju licencu, kótaraž pśiwdajo, aby kuždy je za swójeju wólu wužywał.