Gaž Meldowym coš woglědaś, musyš južo wěźeś, źo žywe su. W Bobowje, źož jich adresa jo, ten dwór njestoj. Ale mjazy Bobowom a Górneju, na dobrych gruntach, kótarež se góźe za kubłanje zeleniny. Tam stoje srjejź pólow bydleńske domy ze wšakich casow. We nejstaršem jo žywa ta młoda familija: Anica Gólašowa, jeje cłowjek Henry Gólaš a góleśi Egon a Marie.

Nejstaršej cłonka familije Chrysta a Wylem bydlitej we wósebnem domje: na originalnem wuměńku (Ausgedinge), kótaryž jo južo generacije dłujko na kóńcu groźe. Egon a Sigrid matej swój w DDRskem casu natwarjony dom. Ale w lěśojskem casu wótmějo se pla nich wšykno na dwórje. Tam stoj wjelike blido z wjele stołami a tam se pśisamem wšykno cyni: we familijowem žywjenju tak ako w pówołańskem. Tak pšawje njejo móžno woboje roztyla źaržaś.