Z Chóśebuza/Cottbus. 69 wuknikow 12. klase su na Dolnoserbskem gymnaziumje (DSG) we zachadnych tyźenjach abituru wótpołožyli. Sedymjo wót nich su měli wugbaśowy kurs serbskeje rěcy a stakim teke serbske pśespytowanje. To jo nam powěźeł koordinator za wušy schójźenk, wucabnik Uwe Kuhmann.

Wjednica Dolnoserbskego gymnaziuma Anke Hille-Sickertowa jo Casnikoju k wěsći dała, až we něntejšnem jadnastem (a pśiducem dwanastem) lětniku žeden wugbanjowy kurs serbskeje rěcy njejo, pśeto wót 40 wuknikow cełego lětnika jo jano jadna wuknica kśěła jen sebje wuzwóliś. We pśiducem 11. lětniku buźo pak zasej jadnab 20 wuknikow se na wugbaśowem kursu wobźěliś.

Wót lětosnych abiturientow matej dwě wuknicy to wótglědanje, až buźotej studěrowaś sorabistiku w Lipsku – jo nam wjednica šule na našo pšašanje powěźeła. To jo wóna zgóniła z rozgronow z wuk­nikami.