Pó pśestawce jo našo bLIdko se zasej zmakało. Tenraz su wšykne „stare“ bLIdarje pódla byli, ale tek študańce prědnego lětnika su sobu na zmakanje pśišli. Ako pśecej smy wjacor do kjarcmy „Beyerhaus“ pśišli a nejpjerwjej se dla wšyknych nowinkow wurozgranjali. Co ga chto nowego ma, kake plany za dowol, kake pśespytowanja su we tom semestrje a kake dalšne plany dajo? Toś smy zgónili, až naš Maks Bagańc južo swójo bachelorske źěło wó dolnoserbšćinje w Casnikach pišo. Wón jo wulicował, co ga dajo zajmnego we tej tematice. Charlotta Kušcyc jo něnto pśedsedarka dešańskeje młoźiny. Wóna jo wulicowała, kake aktiwity wóni su južo zaplanowali.