Z Wjelceje/Welzow. 12. apryl su se tudy zastupniki Łužyskeje rundy zmakali z łužyskimi wótpósłańcami zwězkowego parlamenta (Bundestag). Pšosyła jo Łužyska runda. Pśišli su Ulrich Freese (SPD), Martin Neumann (FDP) a Klaus-Peter Schulze (CDU). Pśijěłej stej teke sakski a bramborski zagronity za Łužycu, Hartmut Mangold a Hendrik Fischer. Lisćina temowych pólow jo była dłujka. K nim su słušali „Rozsuźenja zwězka ku klimowej a energijowej politice“, „Zagronitosć nimskego zwězka we ramiku strukturoweje změny“, „Projekty infrastruktury“, „Zasedlenje slěźarskich institucijow zwenka uniwersitow“ a„Inowatiwne instrumenty, ako pśewóźuju strukturnu změnu“. We běgu dweju góźinowu su wuźěłali swóje stojnišća, někotare su how nalicone.