Wažny nadawk Rěcnego centruma WITAJ (RCW) jo, garantěrowaś serbskorěcny program WITAJ w źiśownjach, šulach a hortach. Za wukubłanje ceptarjow jo lipšćańska uniwersita zagronita, wukubłanje wótkubłarkow mamy pak teke w Chóśebuzu. Na Centrumje za wuše kubłanje (OSZ) w měsće nadejźomy liniju socialneje pedagogiki. Tam jo teke serbska rěc za-pśěgnjona. Něgajšna ceptarka Dolnoserbskego gymnaziuma, Birgit Preußowa, južo někotare lěta studentow a studentki tam wuwucujo w serbskej rěcy a organizěrujo teke praktikumy w našych WITAJ-źiśownjach, hortach abo teke w Dolnoserbskem internaśe. Późěl serbskeje rěcy we wukubłanju jo 3 góźiny na tyźeń a fakultatiwnje. Za zachopjeńkarjow njejo to pśeliš wjele, ale za absolwentow Dolnoserbskego gymnaziuma jo to dobre pódłymjenje rěcnych znaśow. Wuknice a wukniki na OSZ se w serbskej wucbje južo zaběraju z fachoweju terminologiju, z wobrotami wšednego dnja we źiśownjach a hortach a se wopóznawaju z materialijami, ako pózdźej mógu wužywaś.