Kuždy grajaŕ „Serbskich koparjow“ jo cłonk Domowiny a mimo togo teke cłonk swójogo wejsnego sportowego towaristwa. Chtož se zasajźujo, źěła rědko jano za jadnu wěc, ale pśisłuša wšakorakim kupkam samskich zajmow (Interessengemeinschaften). Chtož jo cłonk Ewangelskeje cerkwje Barliń-Bramborska šlazyńska Górna Łužyca-EKBO, jo awtomatiski wósadnik teje wósady, źož wón bydli. Tak pśisłušam ja Lutherowej wósaźe w Chóśebuzu, mója sotša k wósaźe Paula Gerhardta w Lubinje a jeje źowćo k wósaźe Naźeja w Lutolu. Doma se cuju teke ja we tej wósaźe, dokulaž tam som narosł a górjejbrany a na jsach bydle pśijaśele a znate mójogo młoźinskego casa. Ale serbska rěc tam njezni namšy. Za móju dolnoserbsku ewangelsku dušu trjebam Chóśebuz a wokolinu.