Z Chóśebuza/Cottbus. Na wjacoru mjazynarodnego dnja žeńskich jo w Serbskem domje na programje stojało pśedstajenje knigłow jadneje awtorki. Dłujkolětna rozgłosowa reportarka Jutta Kaiserowa jo dopomnjeńki na swóje źěłabne lěta napisała. Pód titelom „Ducy pó domowni“ su knigły kóńc zachadnego lěta wujšli pla Ludowego nakładnistwa Domowina a su něnto premjeru měli. Snaź jo ten tyźeń zasej pśewjele serbskich zarědowanjow naraz było? Wjele luźi źe njejo na cytanje pśišło. Te knigły sami by se na kuždy pad wěcej zajma w Dolnej Łužycy zasłužyli: