Lubnjow/Lübbenau

Wiki jatšownych jajow

We Błośańskem muzeju budu sobotu, 3. měrca, jatšowne wiki. Zachopjeńk buźo zeger 14:00. Ten muzej namakaśo na Gjarncarskich wikach (Topfmarkt) 12.

Drjowk/Drebkau

Jatšowna wustajeńca

Serbska tkajarska śpa pokazujo wót 4. měrca do 15. apryla někak 2.500 jatšownych jajow z cełego swěta, zgromaźonych wót załožarja muzeuma dr. Lothara Balkego. Wjerašk togo lěta jo witrina, wugótowana z jajami wót Derbnarki Inge Ewersbachoweje. Jeje „Dubojcańske kreatiwne jaja“ su wufrezowane a z kwětkowymi mustrami wupyšnjone.

Dopołnjona jo wustajeńca z młogimi fotami, jatšownymi pyšnotkami a pśedmjatami za jatšowne nałogi, ako su to palmowe machawki z Nižozemskeje abo jatšowne šćerkotawki z Górneje Łužyce.

Dešno/Dissen

Wupyšnjenje jatšownych jajow

We Domowniskem muzeju mógu zajmce sobotu, 3. měrca, se wót zeger 15:00 zmakaś, aby zgromadnje jatšowne jaja wupyšnili. Sćo pšosone, warjone abo wudute jaja sami pśinjasć. Zastup płaśi za dorosćone 4 euro, za źiśi 3 euro.