Pó styrich góźinach w měsće Skhodra smy se wudali do města Tirana, wót lěta 1920 głowne město togo kraja. Něźi 400.000 luźi tam oficialnje bydli, ale we wěrnosći jo to nejskerjej hyšći raz tak wjele! Rowno tak ako ceła Albańska jo słušało to město 500 lět k osmanskemu kněstwu do 1912, dlej ako druge balkańske kraje. A to wšykno se pokažo w cełej architekturje a w twarjenjach ze wšakich historiskich casow. Wšykne cerkwje su zasej wótwórjone, ako su byli w komunistiskem casu zamknjone. Albańska ga jo kśěła byś ten prědny ateistiski stat na swěśe!