Ze Starego Chmjelowa/Alt-Schmellwitz. Někotarym wobydlarjam Starego Chmjelowa se tudy njespódoba, až źinsajšne granice togo měsćańskego źěla se zewšym njemakaju z historiskimi granicami něgajšneje jsy Chmjelow. Spomnjeśe na to, co zapšawym k Chmjelowu słuša a co nic, pada dlej a wěcej do zabyśa. Tu starosć jo nam gano wupowědał Frank Schreiber, wobsednikaŕ tudskeje firmy za topjenje a sanitarnu techniku. Wón jo ekstra dla teje wěcy zwónił na redakciju. [K dopomnjeśu: Stary Chmjelow jo wót lěta 1950 do města pśibity].