Z Brjazyny/Briesen. Zakładna šula „Mato Kósyk“ pótrjeba pjenjeze za wutwarjenje šulskego chromu. Srjodu tyźeń jo to dłujke procowanje wó nje pśinjasło płody: rozmjej, bramborska ministarka za infrastrukturu Kathrin Schneiderowa jo pśepowdała w brjazyńskej šuli wopowěsć wót zwólonych pjenjez direktorce Bórkojskego amta Petrje Krawcowej.
Za powěsću amta rosćo licba źiśi w šuli wobstawnje. Šula bitujo wuknikam cełodnjowny program, serbsku witaj-wucbu, a wušej togo su wobźělone na projekśe „Inkluziwna šula“. Šula jo wót šulskego lěta 2014/2015 kradu połna, wšykne śpy se wužywaju za wucbu. Pśez to su musali hort pśesajźiś do susednego, 2 km zdalonego Strjažowa, do tamskeje źiśownje „Styri lětne case“. A su musali wobstaraś transport wuknikow do horta. Pśez wózenje do Strjažowa njejo źěł źiśi wšake wótpołdnjějše zaběry w šuli póžywał.