Nosarske towaristwo Smy, kótarež zastupujo iniciatiwu Serbski sejm, póžeda něnto wót Nimskeje, Sakskeje a Bramborskeje, aby stat jim pśizwólił 350.000 euro za organizěrowanje wuzwólowanja prědnego demokratiskego serbskego pśedparlamenta. Wušej togo su wóspjet stajili póžedanje pla ministarstwowu za nutśikowne nastupnosći Bramborskeje a Sakskeje, až wobydlarske amty deje jich pódpěraś pśi identificěrowanju wu-zwólowarjow – pótom by kosty togo wuzwólowanja ned spadnuli na 200.000 euro.

Pjerwjej jo towaristwo Smy swójo póžedanje pla Załožby za serbski lud stajiło, rada załožby pak jo jo zachyśiła, měnjecy, až wóno njemaka se ze statutom, źož jo grono wót „rěcy a kultury“ a nic wót politiskego źěła. Iniciatiwa wuznajo z togo, až donětejšne wót załožby źaržane struktury njesměju politiski aktiwne byś.